«Ես «Բարձունք»-ում եմ, որովհետեւ այստեղ տեսնում եմ արժեքահեն, երկարաժամկետ եւ ռազմավարական գործունեություն ծավալող հիանալի մարդկանց իրական մեծ թիմ։ Այստեղ ունենք Հայաստանի եւ աշխարհի ապագայի տեսլական, որը ամբողջապես կիսում եմ։ Կարևոր է նաեւ, որ սա հենց կրթական շարժում է, որը խնդիր է դրել մոբիլիզացնել բոլոր առողջ ուժերին»։

«Շուրջ տասը տարի լինելով կամավորական տարբեր նախաձեռնությունների համահիմնադիր և ակտիվ անդամ՝ կարող եմ վստահ ասել, որ  «Բարձունք»-ն այն կառույցն է, որտեղ իրական կամավորը գտնում է անսպառ հնարավորություններ՝ իրականացնելու իր նպատակները հանուն հայրենիքի։  «Բարձունք»-ը, սոսկ, կառույց չէ, այլ՝  համայնք՝  Հայոց երկրի կայացման  համար մշակված հստակ տեսլականով, որը կյանքի է կոչվում ոչ միայն «Բարձունք»-ի շրջանականերում, այլև հանդիսանում է կենսակերպ յուրաքանչյուր բարձունքցու համար»։

«Կամավորությունն ընտրություն է, որն արել եմ դեռևս 2010-ին։ Բարձունքցի լինելու շատ պատճառներ ունեմ․ նախ հավատում եմ «Բարձունք»-ի ուղենշած լուսավոր ու արժեհամակարգեային Հայոց երկրի կայացմանը, վստահ եմ, որ կրթությունը՝ լայն իմաստով՝ երկար, բայց միակ գործուն զենքն է այդ ճանապարհին։ Երկրորդ, «Բարձունք»-ում ես ավելի ուժեղ եմ, ավելի կարող, քանի որ մենակ չեմ, գաղափարակից, ինձ հետ քայլող, պատասխանատվությունից չխուսափող ընկերները, ում վստահում եմ, շատ են»։

«Ես «Բարձունք»-ում եմ, որովհետև այստեղ առավելագույնս արդյունավետ եմ երկրի շենացման գործում։ Այստեղ կա թիմային ընկալում, ռազմավարական հեռահար մոտեցումներ և այդ ամենը սեփական ջանքով իրականացնելու մղում։ Այստեղ կա սեր ու կա լույս։ Մենք «Բարձունք»-ում սովորում ենք ավելի ու ավելի մեծ պատասխանատվություններ վերցնել՝ չվախենալով, որ կձախողենք։«Բարձունք»-ում բարձրանում ու բարձրացնում են։ «Բարձունք»-ում  ես ավելին եմ, քան կամ։ Մենք ունենք 20 տարվա ծրագիր և հավատ, որ մարդիկ կմիանան պետականաշինության այս մեծ գաղափարին»։

«Ես «Բարձունք»-ում եմ՝ ելնելով «Ո՞վ, եթե ոչ ես», «Ե՞րբ, եթե ոչ հիմա» սկզբունքներից»։

«Պատասխանատու եմ անդամների եւ նախաձեռնություններին առնչվող հարցերի համար։ «Բարձունք»-ում եմ, քանի որ երազանքս է, որ իմ Հայրենիքը լինի հայոց բուն արժեհամակարգի վրա հիմնված բարոյական, գաղափարային, տնտեսական, քաղաքական, սոցիալական, ռազմական եւ այլ առումներով ուժեղ եւ կայուն զարգացող, անկախ պետականություն ունեցող երկիր։«Բարձունք»-ի տեսլականը համընկնում է իմ տեսլականի հետ»։

«Վստահաբար կարող եմ ասել, որ մեզնից յուրաքանչյուրի մասնակցությունն ու ներդրումն անսահման կարեւոր են մեր հայրենիքի և պետականության կայացման այս փուլում, իսկ այսօրվա մարտահրավերներն ու վտանգները պարտադրում են, որ վերցնենք ավելի մեծ պատասխանատվություն, քան պարզապես օրինավոր քաղաքացի լինելն է։ «Բարձունք»-ն այն հարթակն է, որտեղ իշխում են ազնիվ մղումն ու նվիրումը, որոնք, միախառնվելով հեռահար ռազմավարական նպատակներին, ամենօրյա հետևողական ու համառ աշխատանքի շնորհիվ դառնալու են բեկումնային փոփոխությունների մի մեծ ալիքի հիմք»։

«Որպես ԱԽ անդամ՝ ներգրավված եմ Հայոց երկրի գաղափարական-բովանդակային քարտեզի մշակման, արտաքին կապերին առնչվող, անդամների հետ տարվող աշխատանքներում։ Ներկայացնում եմ «Բարձունք»-ը «Անվտանգային և ռազմամարզական կառույցների միավորում»-ում։

«Բարձունք»-ում եմ՝ մեր երազանքի հայրենիքի կայացման համար շարունակաբար և հետևողական գործելու նպատակով։ Ինձ համար ամենաարժեքավորը գաղափարակից թիմն է, որը գործում և համադրում է առաջին հայացքից հակադիր իրողությունները»։

Երբ ունես պատասխանատվություն ինչ որ բան փոխելու և երբ գիտես ինչպես դա անել, հաստատ կգտնես գաղափարակից ընկերներ, ովքեր զորավիգ կլինեն քեզ այդ ճանապարհին։ Բարձունքներ նվաճելու ձգտումը պետք է սևեռված լինի ամեն հայի մտքում։ Խավարում ոչ միայն պետք է լույսը վառվի, այն պետք է առաջնորդող լինի դեպի բարձունք։