ՆԱԽԱՁԵՌՆՈՒԹՅՈՒՆՆԵՐԻ ԴՊՐՈՑ

«Նախաձեռնությունների դպրոցը» այն անհատների համար է, ովքեր՝

• ցանկանում են աշխատել հասարակական կազմակերպությունների կամ այլ շահույթ չհետապնդող կառույցի հետ, սակայն չունեն ծրագրերի և նախաձեռնությունների մշակման,  իրականացման և գնահատման փորձառություն։
•  ցանկանում են նպաստել որևէ համայնքի զարգացմանը (գյուղ, քաղաք, մասնագիտական համայնք, դպրոց և այլն) և չգիտեն, թե ինչպես նախաձեռնել և իրականցնել համայնքի զարգացման գործընթացներ։

Կրթական գործընթացը հիմնված է էլեկտրոնային ուսուցման, հարցարանների և տնային հանձնարարությունների վրա։ Յուրաքանչյուր մոդուլ բաղկացած է կարճ տեսանյութից, ուսուցողական տեքստային նյութից, ստուգողական հարցարանից (quiz), տնային հանձնարարությունից և լրացուցիչ նյութերի հղումներից։ Մոդուլներից յուրաքանչյուրն ավարտելու համար մասնակցից կպահանջվի 1-1,5 ժամ։ 

Կրթական մոդուլներն ամբողջությամբ հասանելի են www.mindalay.com հարթակում։ Իսկ տեսանյութերը հանրային կերպով հասանելի են YouTube-յան մեր ալիքում։ 

Ուսուցման արդյունքում մասնակիցները կունենան առաջնային գիտելիքներ սեփական նախաձեռնությունները մեկնարկելու և իրականացնելու համար։ Ուսուցման յուրաքանչյուր աստիճանում կխորանան մասնակիցների կառավարչական գիտելիքներն ու կարողությունները։